1. ზოგადი დებულებები

1.1. წინამდებარე ხელშეკრულება იდება შპს „ჯიკომპ ჯი“-სა (შემდგომში – GCOMP.GE) და მომხმარებელს (შემდგომში – მომხმარებელი) შორის.
1.2. მომხმარებელი ვებ-გვერდზე რეგისტრაციისას საკუთარ მონაცემებს აწვდის **WWW.GCOMP.GE**-ს.
1.3. რეგისტრაციის პროცედურის გავლის შემთხვევაში, მიიჩნევა, რომ პირი დაეთანხმა ხელშეკრულების პირობებს, რაც უთანაბრდება მხარეთა შორის სამოქალაქო-სამართლებრივი ხელშეკრულების დადებას.
1.4. მომხმარებელი ვალდებულია დაიცვას ქვემოთ მოყვანილი წესები და პირობები პლატფორმით სარგებლობისას.
1.5. GCOMP.GE უფლებას იტოვებს, ნებისმიერ დროს ცალმხრივად შეიტანოს ცვლილებები ამ პირობებში, ვებ-გვერდზე გამოქვეყნების გზით.
1.6. „პერსონალურ მონაცემთა დაცვის შესახებ“ საქართველოს კანონის საფუძველზე, GCOMP.GE უფლებამოსილია დაამუშაოს მომხმარებლის პერსონალური მონაცემები პროექტის მიზნებისთვის. თანხმობა პირობებზე ნიშნავს თანხმობას მონაცემთა დამუშავებაზე.
1.7. ხელშეკრულება ძალაში შედის რეგისტრაციის პროცესის დასრულებისთანავე.

2. ტერმინთა განმარტება

2.1. საიტი – ვებ-გვერდი WWW.GCOMP.GE, რომლის მეშვეობითაც ხდება მომსახურების შეთავაზება.
2.2. მომხმარებელი – ნებისმიერი ფიზიკური ან იურიდიული პირი, რომელიც იყენებს საიტის ფუნქციებს და ყიდულობს პროდუქციას.
2.3. კომპანია – GCOMP.GE, რეგისტრირებული საქართველოს კანონმდებლობის შესაბამისად (ს/კ: 200259013, მისამართი: თბილისი, ფონიჭალა 3, კორპ. 16, ბ. 45).
2.4. ანგარიში – მომხმარებლის მიერ ვებ-გვერდზე რეგისტრირებული პირადი პროფილი.
2.5. პროდუქცია – საიტზე გასაყიდად გამოტანილი ნებისმიერი ნივთი ან მომსახურება.

3. განცხადებები და გარანტიები

3.1. მომსახურებით სარგებლობისას თქვენ ადასტურებთ, რომ:
3.1.1. ხართ ქმედუნარიანი პირი (18 წლის, ან 16 წლის — შესაბამისი ნებართვით).
3.1.2. დაიცავთ პირადი ანგარიშის უსაფრთხოებას და არ გადასცემთ პაროლს მესამე პირებს.
3.1.3. არ განახორციელებთ ქმედებას, რომელიც საფრთხეს უქმნის საიტის გამართულ მუშაობას.
3.1.4. თქვენ მიერ მოწოდებული ინფორმაცია არის ზუსტი და უტყუარი.
3.1.5. არ მოახდენთ საიტის მასალების კოპირებას ან გავრცელებას კომპანიის წერილობითი თანხმობის გარეშე.
3.1.6. არ ხართ ჩაბმული უკანონო საქმიანობაში (ფულის გათეთრება, ტერორიზმი და ა.შ.).
3.1.7. საიტის დიზაინი და პროგრამული უზრუნველყოფა წარმოადგენს GCOMP.GE-ს ინტელექტუალურ საკუთრებას.

4. რეგისტრაცია და შეკვეთის განთავსება

4.1. რეგისტრაციისთვის მომხმარებელი უთითებს სახელს, გვარს, ელ.ფოსტას და პაროლს. სისტემა არ ინახავს პაროლს ღია სახით.
4.2. ყიდვის დასრულებისთვის მომხმარებელი ავსებს დამატებით მონაცემებს: პირადი ნომერი, ტელეფონი, ფაქტიური მისამართი და ირჩევს გადახდის მეთოდს.
4.3. მომხმარებელი ვალდებულია მიუთითოს რეალური მონაცემები. სხვა პირის მონაცემების მითითება აკრძალულია.
4.4. ნებისმიერი კითხვის შემთხვევაში მომხმარებელს შეუძლია დაგვიკავშირდეს: +995 557 14 28 14 ან ელ.ფოსტაზე: INFO@GCOMP.GE.

5. ანგარიშსწორება

5.1. ანგარიშსწორება შესაძლებელია საბანკო ბარათით ან საიტზე მითითებული სხვა მეთოდებით.
5.2. კომპანია უზრუნველყოფს ტექნიკურ მხარდაჭერას გადახდისას წარმოქმნილი ხარვეზების აღმოსაფხვრელად.

6. პასუხისმგებლობის შეზღუდვა

6.1. კომპანია არ იძლევა გარანტიას, რომ ვებ-გვერდი იქნება მუდმივად ხელმისაწვდომი ტექნიკური შეცდომებისა და ვირუსებისგან.
6.2. კომპანია არ არის პასუხისმგებელი მესამე პირების მიერ საიტის უკანონო გამოყენებით გამოწვეულ ზიანზე.
6.3. პროგრამული შეცდომის შედეგად მომხმარებლის ანგარიშზე არასწორად დარიცხული თანხა ან მოგება ექვემდებარება კომპანიისთვის დაბრუნებას.

7. ხელშეკრულების შეწყვეტა და დავის გადაწყვეტა

7.1. ხელშეკრულება ძალაშია მხარეთა მიერ ვალდებულებების სრულ შესრულებამდე.
7.2. პირობების დარღვევის შემთხვევაში GCOMP.GE უფლებამოსილია ცალმხრივად გააუქმოს მომხმარებლის წვდომა და შეწყვიტოს ხელშეკრულება.
7.3. ნებისმიერი დავა წყდება მოლაპარაკების გზით. შეთანხმების მიუღწევლობის შემთხვევაში, საქმეს განიხილავს თბილისის საქალაქო სასამართლო.